Diminutîfs dal non augurâl e gratulatori medievâl Guadagno, che al pues jessi sedi un non di persone autonom che l'ipocoristic scurtât di Buonguadagno: al è dut câs un non dât a un frut spietât e desiderât par marcâ che al è o che al deventarà pai gjenitôrs un "vuadagn" bon (De Felice, 1978). La forme Guadagnino si le cjate a Gurize; Guadagnuolo a Pordenon. A Udin ancje Guadagno di origjin meridionâl.